კოლუმბიის კუნდინამარკას პროვინციაში ქვანახშირის მაღაროში აფეთქების შედეგად ცხრა მუშა დაიღუპა. ინფორმაციას ამის შესახებ „როიტერი“ ავრცელებს.
ქვეყნის სამთო მოპოვების ეროვნული სააგენტოს ინფორმაციით, ინციდენტის შედეგად ასევე დაშავდა ექვსი პირი, რომლებიც რეაბილიტაციისთვის რეგიონულ საავადმყოფოში გადაიყვანეს.
სამთო მოპოვების სააგენტოს ინფორმაციით, აფეთქება აირების ჭარბმა დაგროვებამ გამოიწვია.
მათივე ცნობით, აფეთქება ლა სისკუდის მაღაროში მოხდა, რომელსაც კომპანია Carbonera Los Pinos-ი მართავს. შემთხვევასთან დაკავშირებთ კომპანიას კომენტარი არ გაუკეთებია.
როგორც „როიტერი“ წერს, რომ კოლუმბიაში ქვანახშირისა და ოქროს მაღაროებში ინციდენტები ხშირია, რისი მიზეზიც ძირითადად უსაფრთხოების ზომების უგულებელყოფაა.
კომენტარები