რუმინეთის პარლამენტმა პროევროპელი პრემიერ-მინისტრის, ილე ბოლოჯანის მთავრობას უნდობლობა გამოუცხადა. ინფორმაციას ამის შესახებ რუმინული მედია ავრცელებს.
მედიის ცნობით, კენჭისყრაზე 281 მომხრე და 4 წინააღმდეგ იყო. კენჭისყრის ინიციატორები სოციალ-დემოკრატიული და ულტრამემარჯვენე პარტიები იყვნენ.
როგორც მედია წერს, რუმინეთში პოლიტიკური კრიზისი მმართველი კოალიციის დაშლის შედეგად დაიწყო. კენჭისყრამდე ცოტა ხნით ადრე, 23 აპრილს მთავრობა დატოვა სოციალ-დემოკრატიული პარტიის შვიდმა წევრმა.
სოციალ-დემოკრატიულმა პარტიამ მთავრობის მხარდაჭერაზე უარი თქვა და პრემიერ-მინისტრს გადადგომისკენ მოუწოდა. ისინი პრემიერს ქვეყნის „ეკონომიკის განადგურებაში“ ადანაშაულებენ.
კომენტარები