თურქეთში სამხედრო გადატრიალების მცდელობიდან ერთი წელი გავიდა. სტამბოლში, ანკარასა და თითქმის ყველა რეგიონში ეროვნული ერთობის მარშია დაგეგმილი. წაიკითხავენ დაღუპულების სახელებს და გვარებს.
ბოსფორის ხიდზე, რომელსაც ახლა წამებულთა ხიდი ჰქვია, დაღუპულთა მონუმენტი გაიხსნება.
პრეზიდენტი რეჯეფ თაიფ ერდოღანი მოსახლეობას მიმართავს.
2016 წლის 15 ივლისის საღამოს ქვეყანაში სამხედრო გადატრიალების მცდელობა იყო. ხელისუფლებამ ამბოხი ჩაახშო. ქვეყნის პრეზიდენტმა მომხდარში ამერიკის შეერთებულ შტატებში მცხოვრები მქადაგებელი ფეთჰულა გიულენი დაადანაშაულა.
ოფიციალური ანკარა შეერთებულ შტატებს მის ექსტრადაციას სთხოვს, თუმცა აშშ-ში ამბობენ, რომ საკმარისი მტკიცებულებების არარსებობის შემთხვევაში, გიულენის ექსტრადიცია არ განხორციელდება.
ამ დღის შემდეგ, თურქეთში თითქმის 50 ათასი ადამიანი დააკავეს,140 ათასი კი სამსახურიდან გაათავისუფლეს.