ამ თემით მანიპულირება არის შანტაჟი. არ დაიჯეროთ, რომ ვიზალიბერალიზაციის გაუქმების თემაზე რომელიმე ოპოზიციური პარტია წუხს და ფიქრობს, რომ ეს არ მოხდეს, – განაცხადა გადაცემაში „დღის ქრონიკა“ პარლამენტის თავმჯდომარის პირველმა მოადგილემ გიორგი ვოლსკიმ ვიზალიბერალიზაციის საკითხის განხილვაზე საუბრისას.
მისივე თქმით, ოპოზიციამ ფინანსური, პილოტური მხარდაჭერის მიუხედავად ვერაფერი შეძლო – ვერც რევოლუცია მოაწყვო, არჩევნებში ვერ გაიმარჯვა და პოპულარობით არ სარგებლობდა საზოგადოებაში. დეპუტატის თქმით, ამას დაემატა ერთმანეთთან დაპირისპირება, აქედან გამომდინარე გარედან მოსთხოვეს გარკვეული ანგარიში, თუ რაში დაიხარჯა ის ათეულობით მილიონი ლარი.
„ოპოზიციის თავის მართლება მდგომარეობს იმაში, რომ საზოგადოების დიდი ნაწილი მათ არ უჭერს მხარს და მიუხედავად პრობლემებისა ნაკლებად არის გაბრაზებული ხელისუფლებაზე, უფრო მეტად არ ენდობიან იმ ოპოზიციას, რომელიც მათ უბიძგებს ცეცხლში გადავარდნისკენ.
მოთხოვნა იმასთან დაკავშირებით, რომ საზოგადოება უნდა დაისაჯოს ამისთვის, რასაკვირველია არსებობს, რომ არ მოაკლდეს ამ ექსტრემისტულ პროცესებს ის გარკვეული რესურსი, რომელიც ასე მნიშვნელოვნად შემცირდა. ოპოზიციის შიგნიდან ითხოვენ, რომ გარეთ ბრიუსელის ადმინისტრაციამ ეს გადაწყვეტილება მიიღოს“, – აღნიშნა გიორგი ვოლსკიმ.