“გიორგი ისაკაძის მიზანია, ქვეყანა დააზარალოს”

სამოქალაქო აქტივისტი შაკო კუჭაშვილი „ბიემჯის“ ინფორმაციას ეხმიანება და წერს, რომ „ისაკაძის კანტორა როგორც ყოველთვის „მოწოდების სიმაღლეზეა“.

როგორც კუჭაშვილი აღნიშნავს, ისაკაძის მიზანი და დავალებაა საქართველოს ეკონომიკასთან დაკავშირებით პესიმისტური მოლოდინები გააჩინოს და ქვეყანა დააზარალოს.

„BMG, ისაკაძის კანტორა, „მოწოდების სიმაღლეზე” – როგორც ყოველთვის. შეგახსენებთ, ეს ის გიორგი ისაკაძეა, რომელმაც “ქართუს” გაკოტრების საქმეზე საკუთარი ბრალი აღიარა და ბოდიშიც მოიხადა. დღეს მისი მიზანი და დავალებაა საქართველოს ეკონომიკასთან დაკავშირებით პესიმისტური მოლოდინები გააჩინოს და ქვეყანა დააზარალოს. როცა მსხვილი საფინანსო ინსტიტუტები ჩვენი ეკონომიკის ზრდაზე საუბრობენ, ერთ სიახლესაც არ აქვეყნებენ, და როცა კონკრეტული ინსტიტუტები ვიღაცის ან რაღაცის წაქეზებით საქართველოს ინტერესების დასაზარალებლად პროგნოზებს ტენდენციურად აკეთებენ, მაშინ პირიქით – მაშინვე აცხობენ ნიუსებს. თან როგორ უხარიათ: რეგიონის ქვეყნების ზრდა დიდი იქნება, საქართველოსი -არაო
სინამდვილეში, წინა წელსაც, იმის წინა წელსაც და იმის წინა წელსაც საქართველომ საერთაშორისო საფინანსო ინსტიტუტების პროგნოზებს გაუსწრო – ასე იქნება წელსაც, ისაკაძის სამწუხაროდ და ქართველი ხალხის საკეთილდღეოდ.“- წერს კუჭაშვილი.