რუსეთის თავდაცვის სამინისტროს ცნობით, რუსულმა ძალებმა ბოლო კვირის განმავლობაში ხარკოვისა და დონეცკის რეგიონებში ხუთი დასახლებული პუნქტი დაიკავეს.
მათივე განცხადებით, 6-დან 12 ივნისამდე პერიოდში რუსულმა ძალებმა ორი მასშტაბური დარტყმა და ხუთი ჯგუფური დარტყმა განახორციელეს მაღალი სიზუსტის იარაღისა და თავდასხმის დრონების გამოყენებით.
ამასთან, უკრაინული მედიის ცნობით, დონეცკისა და ხერსონის ოლქებში რუსული ძალების იერიშს შედეგად 22 ადამიანი დაშავდა, ორი კი დაიღუპა. მათივე ინფორმაციით, გასულ ღამეს უკრაინულმა დრონებმა კრასნოდარის მხარის ტემრიუკის რაიონში საზღვაო ტერმინალს შეუტიეს, რის შედეგადაც ხანძარი გაჩნდა. შემთხვევის შედეგად ერთი ადამიანი დაიღუპა.
კომენტარები