თბილისის მერის კახა კალაძის განცხადებით, ღირებულებები, რომელთა გამოც საქართველოს ევროკავშირში გაწევრიანება სურდა, დღეს კითხვის ნიშნის ქვეშაა.
ამის შესახებ მერმა გაფართოების საკითხებში ევროკომისრის მარტა კოსის იმ განცხადების შესახებ დასმული კითხვის პასუხად განაცხადა, რომლის თანახმად, ევროკავშირის ახალ წევრებს ვეტოს უფლება შეეზღუდებათ.
„ევროკავშირი დაფუძნებული იყო ღირებულებებზე, რომელთა გამოც გვინდოდა გაწევრიანება – სამართლიანობაზე, სიტყვისა და გამოხატვის თავისუფლებაზე, დღეს კი ეს ყველაფერი კითხვის ნიშნის ქვეშაა. ევროპული ბიუროკრატიის მხრიდან გადადგმული ნაბიჯები, მათი განცხადებები, ეს არ არის ის ევროპა, საითაც ჩვენ მივისწრაფოდით.
სამართლიანობა სრულად მოშლილია – მხოლოდ და მხოლოდ ზემოდან ყურება, თითის ქნევა. ამ ტიპის დამოკიდებულება კატეგორიულად მიუღებელია. ბევრჯერ გაგვიკეთებია განმარტებები აღნიშნულთან დაკავშირებით“, – განაცხადა კახა კალაძე.