ელისო კილაძე რომ ვინმეს მორიგ სიბინძურეს დააბრალებს და ამ სიბინძურის შესახებ არ არსებობს არანაირი ფაქტი, მის სიბინძურეზე და ტალახის სროლაზე, ვინც მის ამ სიბინძურეს ,,ანიუსებს”, ავრცელებს, ის მედიასაშუალებები არიან თუ არა მისი პასუხისმგებლობის თანამოზიარეები და როგორც მინიმუმ, კილაძის დონის ჟურნალისტები?, – წერს პარლამენტის იურიდიულ საკითხთა კომიტეტის თავმჯდომარე, არჩილ გორდულაძე, CNEWS-ის მიერ, რომლის დამფუძნებელიც ელისო კილაძეა, გამოქვეყნებულ ნიუსზე, სადაც კილაძე მორიგ ბრალდებას მტკიცებულებების გარეშე აყენებს, აღნიშნული განცხადება კი, ასევე სხვადასხვა ოპოზიციურმა მედიებმაც გაავრცელეს.
არჩილ გორდულაძის განცხადებით, იმისათვის, რომ ადამიანს რაიმეს აბრალებდე, აუცილებლად უნდა გქონდეს მტკიცებულებები, რომელიც ელისო კილაძეს არ დაუდია.
„ძალიან მაინტერესებს პასუხი მარტივ კითხვაზე: ელისო კილაძე რომ ვინმეს მორიგ სიბინძურეს დააბრალებს და ამ სიბინძურის შესახებ არ არსებობს არანაირი ფაქტი, მის სიბინძურეზე და ტალახის სროლაზე, ვინც მის ამ სიბინძურეს ,,ანიუსებს”, ავრცელებს, ის მედიასაშუალებები არიან თუ არა მისი პასუხისმგებლობის თანამოზიარეები და როგორც მინიმუმ, კილაძის დონის ჟურნალისტები?
პ. ს. ამ ქალსაც ვინმემ უნდა აუსხნა, რომ თუ ადამიანს რამეს აბრალებს, ელემენტარული მტკიცებულება მაინც უნდა დადოს“, – წერს არჩილ გორულაძე.
ცნობისთვის, დღეს სასამართლო პროცესზე ე.წ. ქოლცენტრების საქმეზე ბრალდებულმა ელისო კილაძემ მორიგი ბრალდება გააჟღერა, რომ მას სუს-ის ყოფილი უფროსი მამუკა მდინარაძე „ოცნების“ მაღალჩინოსნების გაშავებას სთავაზობდა.
