ყოფილი პრემიერ-მინისტრის ბიძინა ივანიშვილის განცხადებით, პრეზიდენტი გიორგი მარგველაშვილი საკუთარი განცხადებებით ხშირად ასხამს წყალს „ნაციონალური მოძრაობის“ წისქვილზე.
როგორც ტელემედიასთან გამართულ დღევანდელ შეხვედრაზე ყოფილმა პრემიერ-მინისტრმა აღნიშნა, ამის მიუხედავად, პრეზიდენტი „ნაციონალების“ კაცი არ არის, რადგან მათთვისაც არ არის სასარგებლო.
„ნაციონალებმა“ თემის აწევა და დაჭერა იციან, ეს თემაც (ლევან მურუსიძის) მათი ანგაჟირებულია. თავისი პოზიციებით, ბევრი ჩაერთო ამ პროცესში, მათ შორის პრეზიდენტიც, მათ წისქვილზე ხშირად ასხამს წყალს, მაგრამ არ მგონია, რომ ეს მათი კაცი იყოს, ის მათთვისაც არ არის დიდად სასარგებლო“, – განაცხადა ივანიშვილმა.
კომენტარები