საფრანგეთში საპროტესტო აქციებზე, სულ მცირე, 190 მოსწავლე დაშავდა, – ინფორმაციას The Guardian-ი ავრცელებს.
საფრანგეთის განათლების მინისტრის, ედუარ ჟეფრეს განცხადებით, მოსწავლეებმა დაზიანებები ინციდენტების ან ფოიერვერკების გამოყენების შედეგად მიიღეს.
დღეს ცნობილი გახდა, რომ ქალაქ ლანსში 15 წლის ბავშვმა ხელი დაკარგა. გავრცელებული ინფორმაციით, მოსწავლემ პოლიციის მიერ ნასროლი ცრემლსადენი გაზის ყუმბარა აიღო, რა დროსაც იგი ხელში აუფეთქდა.
ასევე, დღეს პოლიციამ 17 წლის მოსწავლე დააკავა, რომელმაც პოლიციის მიმართულებით ქვა ისროლა, რომელიც გამვლელს მოხვდა, რის შემდეგაც ქუჩაზე გამვლელმა ერთ თვალში მხედველობა დაკარგა.
ცნობისთვის, საფრანგეთში მოსწავლეები სკოლებთან საპროტესტო აქციებს უკვე ერთ კვირაზე მეტია მართავენ. საფრანგეთის მასშტაბით მოსწავლეები სკოლების დაფინანსების ნაკლებობას, მასწავლებლების დეფიციტსა და სასწავლო პირობების გაუარესებას აპროტესტებენ. საპროტესტო მოძრაობის დაწყების შემდეგ 5 000-ზე მეტი ადამიანი დააკავეს, მათ შორის 85 პროცენტი არასრულწლოვანია. საფრანგეთის მასშტაბით 500-მდე სკოლა სრულად ან ნაწილობრივ დახურული რჩება.