მესტიაში ძლიერი წვიმის შედეგად სამი მდინარე კოლხური, დოლურა და მესტიაჭალა ადიდდა.
როგორც „კვირას“ მესტიის მუნიციპალიტეტის გამგებელმა კახა ჟორჟოლიანმა განუცხადა, წაღებულია ხუთი ხიდი, სოფელი ჭოლაში გარესამყაროსაა მოწყვეტილი.
„ცალკეულ სოფლებსა და გზის სავალ ნაწილზე დიდი რაოდენობის მეწყერი ჩამოწვა, ჩამოტანილი ნაშალი სახლებზეა მიბჯენილი, საბედნიეროდ, სახლების ჩამონგრევის შემთხვევები არ არის, თუმცა გზის სავალი ნაწილებია ჩახერგილი საფრთხე ემუქრებოდა მაღალი ძაბვის ორ ანძას, თუმცა ოპერატიულად ვიმოქმედეთ და საშიშროება მოიხსნა, მიმდინარეობს გამაგრებითი სამუშაოები. უშგულის გზაზე კი ღელეები გადმოვიდა.
ჯერ ზარალი არ დაგვითვლია, მიმდინარეობს დათვლის პროცესი“, – აღნიშნა კახა ჟორჟოლიანმა.
მისი თქმით, ამ დროისთვის მესტიაში აღარ წვიმს.
„კვირა“
კომენტარები