ძლიერი თოვის გამო, მცხეთა-მთიანეთში გზებზე კვლავ შეზღუდვები მოქმედებს.
საავტომობილო გზების დეპარტამენტის ინფორმაციით, ადგილზე მობილიზებულია სპეცტექნიკა, მიმდინარეობს გაწმენდითი სამუშაო. შეზღუდვები, სავადაუდოდ, ხვალ, ამინდის გაუმჯობესებისთანავე მოიხსნება.
ამ დროისთვის მცხეთა–სტეფანწმინდა–ლარსის საავტომობილო გზის ნადიბანი-კობის მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.
დარიალის ხეობაში ავტოტრანსპორტის მიმოსვლისას იკრძალება მათი გაჩერება. გზის სხვა მონაკვეთებზე ავტოტრანსპორტის მოძრაობა თავისუფალია.
კომენტარები