“ქართული ოცნების“ ბათუმის მერობის კანდიდატმა, ლაშა კომახიძემ ხმა 65-ე უბანზე მისცა. ის საარჩევნო უბანზე მეუღლესთან და შვილთან ერთად მივიდა. როგორც კომახიძე იმედოვნებს, “ქართული ოცნება” პირველივე ტურში დამაჯერებელ გამარჯვებას მიაღწევს.
“იმედი მაქვს, რომ ჩვენი მოქალაქეები მათთვის მინიჭებულ უფლებას გამოიყენებენ. პირადად მე და ჩემმა ოჯახმა ხმა მივეცით უკეთეს ბათუმს, იმ ამბიციურ პროექტებს, რომელთა განხორციელების იმედიც აქვს. იმედი მაქვს, რომ ჩვენს მოქალაქეებთან ერთად, ხელჩაკიდებული, უკეთეს მომავალს ავაშენებთ, იმედი მაქვს, რომ პირველივე ტურში დამაჯერებელ გამარჯვებას მივაღწევთ”, – განაცხადა ლაშა კომახიძემ.
კომენტარები