ხორავას ქუჩაზე მომხდარ მკვლელობაში ბრალდებულის ოჯახი ადასტურებს, რომ მოზარდი დღეს სამართალდამცველებს ჩაბარდება.
„2017 წლის 1 დეკემბერს მომხდარ ფაქტთან დაკავშირებით ბრალდებულის გ.ჯ.-ს ოჯახის განცხადებით, ისინი აპირებენ უახლოეს წუთებში უზრუნველყონ ბრალდებულის შინაგან საქმეთა სამინისტროში წარდგენა.
ოჯახმა სულ ახლახან დაადგინა ბრალდებულის ადგილსამყოფელი და მყისიერად მიიღო გადაწყვეტილბა, რომ გ.ჯ. უმოკლეს ვადაში წარადგინონ საგამოძიებო ორგანოში, იმისთვის, რომ ბრალდებულმა ითანამშრომლოს გამოძიებასთან და დაეხმაროს საგამოძიებო ორგანოებს ნათელი მოეფინოს მომხდარ ტრაგედიასთან დაკავშირებულ ყველა დეტალს“, – განუცხადა „ინტერპრესნიუსს“ ადვოკატმა ტარიელ კაკაბაძე.
„ინტერპრესნიუსი“
კომენტარები