პირველი ექსპერიმენტული სკოლის დირექტორს გამომძიებლები კითხავენ.
ხათუნა ბარაბაძე შსს-ს თბილისის მთავარ სამმართველოში რამდენიმე წუთის წინ მივიდა.
ამასთან, მთავარ სამმართველოში დაკითხვაზე იმყოფება 51-ე საჯარო სკოლის დირექტორი მანანა თურქაძეც.
საგამოძიებო მოქმედებები ორი მოზარდის მკვლელობასთან დაკავშირებით გრძელდება.
ამ დროისათვის 51-ე საჯარო სკოლის მოსწავლეების მკვლელობის საქმეზე ხუთი პირია დაკავებული. დღეს, თბილისის საქალაქო სასამართლომ ორივე არასრულწლოვან ბრალდებულს აღმკვეთი ღონისძიების სახით წინასწარი პატიმრობა შეუფარდა.
კიდევ სამ სრულწლოვანს კი გამოძიება დანაშაულის დაფარვას ედავება. მათგან ერთ-ერთი მშობელია, რომელმაც მისივე შვილებისაგან შეიტყო ორი მოსწავლის მკვლელობის შესახებ, თუმცა, პოლიციას არ შეატყობინა და ერთ-ერთ ბრალდებულს მიმალვაში დაეხმარა.