“გუმათჰესის“ ტერიტორიაზე ხანძარია

ქუთაისთან ახლოს, „გუმათჰესის“ ტერიტორიაზე ხანძარია. გაჩენილი ხანძრის ლოკალიზებას 40-მდე მეხანძრე-მაშველი ცდილობს. 

უსაფრთხოების მიზნით, „გუმათჰესიდან“ თანამშრომლებისა და ადგილზე მყოფი მოქალაქეების ევაკუაცია მიმდინარეობს.

 

ხანძრის გამო, ქუთაისისა და მიმდებარე სოფლების აბონენტებს ელექტროენერგიის მიწოდება შეუწყდათ.

მომხდარის ამსახველი ფოტო სოციალურ ქსელში გავრცელდა.