თბილისში, თრიალეთის ქუჩაზე ინციდენტი მოხდა. “კვირას” ინფორმაციით, შინაგან საქმეთა სამინისტროს თანამშრომელმა თვითდაზიანებები მიიყენა. არსებული ინფორმაციით, პოლიციის პოლკოვნიკ ზვიად ფიცხელაურს უკვე ჩაუტარდა სასწრაფო ოპერაცია და მისი ჯანმრთელობის მდგომარეობა სტაბილურია.
„აღენიშნებოდა გულ-მკერდის მარცხენა ნახევარში, შემავალი მრავლობითი ნაკვეთი ჭრილობები. პაციენტი სასიცოცხლო ჩვენებით შეყვანილ იქნა საოპერაციო ბლოკში. გაკეთდა გადაუდებელი ოპერაცია, აღმოჩნდა ფილტვის ქსოვილის დაზიანება, ფაქტიურად სამ ადგილზე. ოპერაციამ ჩაიარა დამაკმაყოფილებლად. გადმოყვანილ იქნა რეანიმაციულ განყოფილებაში. ეს არის ნაკვეთი ჭრილობა და კერძოდ რითია მიყენებული, ამას მე ვერ გეტყვით,“ – განაცხადა კლინიკა „ოპტიმალმედის“ რეანიმაციის განყოფილების ხელმძღვანელმა გიორგი გეგაშვილმა.
როგორც “კვირას” შსს-ში განუცხადეს, მომხდარზე გამოძიება სსკ-ის 117-ე მუხლით დაიწყო, რაც ჯანმრთელობის განზრახ დაზიანებას გულისხმობს.