ნარკოტიკის გამავრცელებელი არის თითოეული ჩვენი მოქალაქისა და ზოგადად, კაცობრიობის მტერი, – ამის შესახებ ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა, სოზარ სუბარმა „კატასტროფის მედიცინის ცენტრის“ დირექტორის შვილის, ირაკლი ქორიძის დაკავებასთან დაკავშირებებით დასმული კითხვის პასუხად განაცხადა.
„ზოგადად, მემგონი, მთელი ქართული საზოგადოება შეთანხმებულია ერთ რამეზე, რომ როდესაც, ნარკოპოლიტიკის ლიბერალიზიაციაზე ვსაუბობრთ, რაც აუცილებლად გასატარებელია, ამავდროულად, უნდა გავამკაცროთ ბრძოლა ნარკორეალიზატორებისა და ნარკოტიკების გავრცელების წინააღმდეგ, რადგან ესენი არიან ადამიანები, რომლებიც საქართველოს მომავალსა და მომავალ თაობას საფრთხეს უქმნიან. კონკრეტული სისხლის სამართლის საქმეზე ვერ გავაკეთებ კომენტარს, გარდა იმისა, რომ დარწმუნებული ვარ, გამოძიება დადგენს ყველა დეტალს და ყველა დამნაშავე კანონის შესაბამისად აგებს პასუხს. ზოგადად, ერთ რამეზე უნდა შევთანხმდეთ, რომ ნარკოტიკის გამავრცელებელი არის თითოეული ჩვენი მოქალაქისა და ზოგადად, კაცობრიობის მტერი“, – განაცხადა სუბარმა.
“ნარკოტიკის გამავრცელებელი არის თითოეული ჩვენი მოქალაქისა და ზოგადად, კაცობრიობის მტერი”
2018/04/02 13:27:11
ნანახია: 814 ჯერ