ეროვნული სატყეო სააგენტოს უფროსი თორნიკე გვაზავა, პირველი არხის ვებ-გვერდის მიერ გავრცელებულ ფოტომასალასთან დაკავშირებით, რომელიც ასახავს, თუ როგორ მოაქვს ადიდებულ ენგურს სარეალიზაციოდ გამზადებული ხე-ტყე, განმარტებას აკეთებს.
თორნიკე გვაზავა არ გამორიცხავს, რომ ფოტო-მასალაზე აღბეჭდილი კადრები რეალობასთან ახლოს იყოს და ფოტო მასალის ავთენტურობას შესაბამისი ორგანოები გამოიკვლვენ.
„მდგრადი ტყის მასივების შენარჩუნება, ეკოლოგიური თვალსაზრისით, სასიცოცხლო მნივნელობისაა, რისთვისაც ეროვნული სატყეო სააგენტოს, გარემოსდაცვითი ზედამხედველობის დეპარტამენტისა და ფინასნთა სამინისტროს საგამოძიებო სამსახურის მიერ, მუდმივად ხორციელდება პრევენციული ღონისძიებები.
მთელი ქვეყნის მასშტაბთ დღეს ჩატარებული ღონისძიებები ამის ნათელი დადასტურებაა.
ფინანსთა სამინისტროს, საგამოძიებო სამსახურის მიერ, გასული 2 კვირის განმავლობაში 15 პირია დაკავებული ხე-ტყის უკანონო ჭრისა და ყალბი დოკუმენტაციის დამზადების ბრალდებით. სამეგრელო ზემო-სვანეთის რეგიონში ხშირია გარემოსდაცითი კანონდმებლობის დარღვევის ფაქტები.
აქედან გამომდინარე, მდინარე ენგურზე გავრცელებულ ფოტომასალაში ასახული ხე-ტყე, არაა გასაკვირი წარმოადგენდეს კანონდარღვევით მოპვებულ, მათ შორის, სამასალე ხე-ტყეს, რასაც ვითარების შესწავლის შემდეგ, შესაბამისი ორგანოები დაადგენენ.“ – აცხადებს თორნიკე გვაზავა.