საგამოძიებო კომისიას იუსტიციის მინისტრთან ერთადერთი კითხვა აღმოაჩნდა.
კომისიის ერთადერთი წევრი ოთარ კახიძე დაინტერსდა, მინისტრი ისევ ფიქრობს თუ არა, რომ მთავარი პროკურორი ირაკლი შოთაძე არ უნდა გადამდგარიყო.
კითხვაზე თეა წულუკიანის პასუხი იყო: “რა თქმა უნდა ვეთანხმები“, ამ პასუხის შემდეგ კახიძემ კომისიის თავმჯდომარეს განუცხადა, რომ მეტი კითხვა აღარ ჰქონდა.
კითხვები არ აღმოაჩნდათ არც კომისიის სხვა წევრებს. რის გამოც სერგი კაპანაძე იუსტიციის მინისტრს დაემშვიდობა და 5 წუთიანი ტექნიკური შესვენება გამოაცხადა.
“ჩემდამი კითხვების არარსებობა მიანიშნებს, რომ რეალური კითხვები არასდროს ყოფილა და ცარიელი წყალი იყო ჩემ მიმართ ის დიდი შეურაცხყოფა თუ პოლიტიკურად ანგაჟირებული განცხადებები – გადადექი და ყველაფერი შენი ბრალია”, – განაცხადა იუსტიციის მინისტრმა, თეა წულუკიანმა.
“ვეთანხმები თუ არა იმას, რომ ირაკლი შოთაძე თანამდებობიდან არ უნდა გადამდგარიყო – ამ კითხვას ვუპასუხე, რომ დღესაც ვეთანხმები, არ უნდა გადამდგარიყო. თუმცა მეტი კითხვა არ დასმულა, რაც ჩემთვის გასაოცარია“, – განუცხადა წულუკიანმა ჟურნალისტებს სხდომის შემდეგ.