დღეს დილიდან გადაუღებელმა ძლიერმა წვიმამ ოზურგეთში პრობლემები შექმნა.
უხვი ნალექის შედეგად ადიდებულმა მდინარემ ბაზრის წყალმა აბაშიძის ქუჩაზე, სუპერმარკეტ “მოდერნის” მიმდებარე ტერიტორიაზე ათამდე საცხოვრებელი სახლი დატბორა.
დატბორილია ეზოები და საცხოვრებელი სახლის პირველი სართულები.
მძიმე სიტუაციაა ასევე წულუკიძის ქუჩაზე, სადაც ავარიული სახლი დაიტბორა. ასევე ადიდებულმა წყალმა პრობლემები შექმნა აგრარულ ბაზარში. ბაზრის უკანა შესასვლელი დაიტბორადა იქ მოძრაობა შეუძლებელი გახდა.
ადგილზე ჯერ ჯერობით მაშველები არ გამოჩენილან.
კომენტარები