ლაგოდეხში, უამინდობის შედეგად მდინარე ნინოსხევი ადიდდა, რის გამოც მდინარის მეორე ნაპირთან დარჩენილი 6 მოზარდი გურგენიანის ჩანჩქერის მიმდებარე ტერიტორიიდან გამოსვლას ვერ ახერხებს.
„6 ბავშვია მდინარის ადიდების გამო ჩანჩქერის მიმდებარე ტერიტორიაზე, მეორე ნაპირზე დარჩენილი. ამ ეტაპზე ისინი სრულიად უსაფრთხო ადგილზე იმყოფებიან, შედარებით ამაღლებულ ადგილზე არიან, თუმცა მეორე ნაპირზე. ვინაიდან ტექნიკა ადგილზე ვერ მიდის, მობილიზებულია ცოცხალი ძალა. ადგილზე ამ დროისთვის 9 მაშველი იმყოფება. როდესაც ბავშვები სიმაღლიდან ჩამოვლენ, სამაშველო ჯგუფი მათ გამოყვანას დაიწყებს. მათ ადიდებული მდინარის მეორე ნაპირიდან თოკების დახმარებით გამოიყვანენ“, – აცხადებენ საგანგებო სიტუაციების მართვის სამსახურში.
კომენტარები