რამდენიმე წუთში, გურჯაანის რაიონულ სასამართლოში ქვემო ქართლის ყოფილი გუბერნატორის და პარტია „ნაციონალური მოძრაობის“ წევრის, დავით კირკიტაძის აღმკვეთი ღონისძიების საკითხის განხილვა დაიწყება.
მოსამართლე დავით ნარიმანიშვილი 10:30 წუთზე პროკურატურის შუამდგომლობას განიხილავს.
პროკურატურა ბრალდებულისთვის აღმკვეთი ღონისძიების სახით წინასწარ პატიმრობას ითხოვს.
ქვემო ქართლის ყოფილი გუბერნატორის და „ნაციონალური მოძრაობის“ წევრის დავით კირკიტაძეს ბრალი სისხლის სამართლის კოდექსის 353-ე პრიმა მუხლით წარედგინა.
გამოძიება სსკ-ის 353-ე პრიმა მუხლის პირველი ნაწილით მიმდინარეობს, რაც გულისხმობს პოლიციელზე, სპეციალური პენიტენციური სამსახურის მოსამსახურეზე ან ხელისუფლების სხვა წარმომადგენელზე, ანდა მის სამსახურებრივ ან საცხოვრებელ შენობაზე, ან მის სატრანსპორტო საშუალებაზე, ანდა მისი ოჯახის წევრზე თავდასხმას პოლიციელის, სპეციალური პენიტენციური სამსახურის მოსამსახურის ან ხელისუფლების სხვა წარმომადგენლის სამსახურებრივ საქმიანობასთან დაკავშირებით.
დანაშაული 4-დან 7 წლამდე პატიმრობას ითვალისწინებს.
გურჯაანის სასამართლო დავით კირკიტაძის აღკვეთის ღონისძიების შეფარდებაზე დღეს იმსჯელებს
2018/12/20 10:48:41
ნანახია: 573 ჯერ