თბილისში, ვერაზე 16 იანვარს მომხდარი სისხლიანი გარჩევის მთავარი ბრალდებულს გიორგი ადუაშვილს დამამძიემებელ გარემობებში განზრახ მკვლელობის მცდელობა ედება ბრალად.
“4-5 ჭრილობა აქვს ფეხზე, იდაყვის ქვეშ მთავარ არტერიაზე აქვს დარტყმული უნდა მომკვდარიყო თუ უნდა დაცლილიყო სისხლისგან არ ვიცი რაშია საქმე, ვერ გავერკვიე ამ სიტუაციაში. კეთილი ბიჭია, მაგრამ ისეთ კამპანიაში მოხვდა ალბათ რომ ესე რავიცი, ვერ გეტყვით”, – ამბობს გიორგი ადუაშვილის ბებია ლია იოსელიანი.
კამპანია, როგორც თავად უწოდებს, მინდია გოგოჭური და მისი სამეგობროა. ექსპრეზიდენტ მარგველაშვილის წარსულში არაერთხელ ნასამართლევი სიძე, რომლის სახელსა და გვარასაც 16 იანვარს ქალაქის ცენტრში მომხდარი სისხლიანი გარჩევა დაუკავშირეს.
მომხდარი იმავე დღესვე ორ დაჯგუფებას შორის წარსულში დაწყებულ კონფლიქტს დაუკავშირეს. “იმედის კვირის” ინფორმაციით, ზურაბ კუჭავა, რომელსაც გამოძიების ცნობით, გიორგი ადუაშვილმა ესროლა, ექსპრეზიდენტის სიძესთან მინდია გოგოჭურსა და მის სამეგობროსთან დაპირისპირებული ჯგუფის წევრია.
დაპირისპირებას ორ დაჯგუფებას შორის გამორიცხავს ადუაშვილის ადვოკატი სალომე მესხი. ის ამბობს, რომ ადუაშვილი უდანაშაულოა. კითხვაზე სად და რატომ მიიღო ადუაშვილმა მრავლობითი დაზიანებები, სალომე მესხს პასუხი არ აქვს.
“ამის შესახებ ჩვენთვის უცნობია, ვინაიდან კიდევ ერთხელ ვამბობ მას ჩვენება არ მიუცია , არ ჩემთან არ უსაბრია ამ თემაზე”, – ამბობს ადვოკატი.
სისხლიან გარჩევას იმავე დღეს წინ უძღოდა კიდევ ერთი ინციდენტი. ერთ-ერთი ვერსიით, ერთმანეთს ზურაბ კუჭავა და გიორგი ადუაშვილი დაუპირსპირდნენ. ამ დაპირისპირების დროს ადუაშვილი დაშავდა. სასამართლოზე გადაღებულ კადრებშიც ჩანს, რომ გიორგი ადუაშვილს ფიზიკური ანგარიშწორების კვალიც ეტყობა.
ტარიელ კაკაბაძე კონსტანტინე ჯორბენაძის ადვოკატია. ჯორბენაძე ტატიშვილის ქუჩაზე იმ მანქანაში იჯდა, საიდანაც გამოძიების ინფორმაციით, გიორგი ადუაშვილი ზურაბ კუჭავას მიმართულებით ისროდა. მას გამოძიება დანაშაულის შეუტყობინებლობას ედავება.
კუჭავას მკვლელობის მცდელობაში ბრალდებულ ადუაშვილთან ერთად ჯორბენაძე სასამართლომ პარასკეს პატიმრობაში დატოვა. მისი ადვოკატი ამბობს, რომ მისი დაცვის ქვეშ მყოფს არაფერი დაუნახავს. ტარიელ კაკაბაძის თქმით, ამას ადასტურებს მოწმე, რომელიც დაპირისპირების დროს მანქანას მართავდა.
“იმედის კვირის” ინფორმაციით, კუჭავა და ადუაშვილი ვერა-მთაწმინდის ერთმანეთთან დაპირისპირებული წრეების სხვადასხვა მხარეს არიან. გიორგი ადუაშვილი ექსპრეზიდენტ მარგველაშვილის სიძის მინდია გოგოჭურის სამეგობროს წევრია, ხოლო 31 წლის ზურაბ კუჭავა მინდია გოგოჭურთან დაპირისპირებული დავით კაჭარავასი, რომელიც 19 დეკემბერს იარაღის შეძენა-შენახვის ბრალდებით დააკავეს და სასამართლო განაჩენის მოლოდინშია.
პირველი ღია დაპირისპირება სამეგობრო წრეებს შორის 22 ნოემბერს სოლოლაკში რესტორან “მეიდანთან” მოხდა. ამ ამბიდან 4 დღეში 26 ნოემბერს მინდია გოგოჭურს თავს დაესხნენ და მისი მიმართულებით რამდენჯერმე ისროლეს. ის დაჭრას ჯავშანჟილეტმა გადაარჩინა.
არაერთ კრიმინალურ გარჩევაში ფიგურირებს დავით კაჭარავას ძმა, თორნიკე კაჭარავაც, რომელიც, მისი ძმისგან განსხვავებით, გოგოჭურის მეგობარია. ამჟამად ისიც პატიმრობაშია, იარაღის უკანონო შეძენა-შენახვისა და ნაკოდანაშაულის ბრალდებით. მას ბრალი 2011 წელს 24-წლიანი პატიმრობა ჰქონდა მისჯილი ახალგაზრდა მამაკაცის სანდრო გოგბერაშვილის მკვლელობის ფაქტზე, თუმცა 2015 წელს უზანაესმა სასამართლომ მას 2015 წელს პირველი ინსტანციის სასასმართლოს განაჩენი გააუქმა. სანდრო გოგბერაშვილის ოჯახი მაშინ ამტკიცებდა, რომ მათი შვილს არა კაჭარავამ, არამედ ზურაბ ტარყაშვილმა ესროლა, რის გამოც გოგბერაშვილის მამამ ზურაბ ტარყაშვილი რუსთაველის გამზირზე მოკლა.
თამილა კოჭლამაზაშვილი ამბობს, რომ მინდია გოგოჭურმა ესროლა მის შვილს პირველი ტყვია 2011 წლის ოქტომბერში. მისი შვილის მკვლელობისთვის სამი ადამიანი დააკავეს. კოჭლამაზაშვილის თქმით გამოძიებამ გოგოჭურის საბრალდებო სკამზე დასასმელად არაფერი გააკეთა. მისი მტკიცებით, სათვალთავლო კამერებით გადაღებულ კადრებში, პიროვნება, რომელიც იარაღს აგდებს მინდია გოგოჭურია.
მინდია გოგოჭური არაერთხელაა დაკავებული წარსულში ნარკოდანაშაულისთვის. ის დაჯარიმდა და გათავისუფლდა პირობითი სასჯელით. მისი სახელი და გვარი უკავშირდება არაერთ სისხლის სასმართლის საქმეს, რომელთაგან ერთი დღემდე გაუხსნელია.
მის მეგობარს, ვერაზე 16 იანვარს მომხდარი სისხლიანი გარჩევის მთავარ ბრალდებულს გიორგი ადუაშვილს დამამძიმებელ გარემობებეში განზრახ მკვლელობას ედავება. ბრალის დამტკიცების შემთხვევაში მას 11-დან 14-მდე პატიმრობა ემუქრება.
ადუაშვილის თანხლებ კონსტანტინე ჯორბენაძეს კი, რომელსაც დანაშაულის შეუტყობინელობაში ედება ბრალი. ბრალდებულთა წინა სასამართლო სხდომა 12 მარტს გაიმართება. იხილეთ ვიდეო: