ტელეკომპანია “რუსთავი 2″-ის სპორტული ჟურნალისტის, დავით ერაძის სახლს ესროლეს.
როგორც დავით ერაძე აცხადებს, კედელზე ნატყვიარი მისმა მეუღლემ აღმოაჩინა, მასრა კი აივანზე შენიშნა.
„როდესაც მეუღლე აივანზე დასალაგებლად გავიდა, შეამჩნია ჯერ ნატყვიარი აივნის კარზე და მერე შემთხვევით ნახა მასრა. რომ დავინახე ეს ტყვია, ვუთხარი ისევ დაედო თავის ადგილზე. როდესაც დავრწმუნდი, რომ ეს არ იყო საახალწლო გართობა, პოლიციაში დავრეკე.
ძალიან მიჭირს რამესთან დაკავშირება, ფაქტია, რომ აქ არის ტყვია და კარს ეტყობა ნატყვიარი”, – ამბობს დავით ერაძე “რუსთავი2”-თან ინტერვიუში.
მომხდარ ფაქტთან დაკავშირებით შს სამინისტრომ გამოძიება დაიწყო.
როგორც „კვირას“ უწყების პრესსამსახურში განუმარტეს, გამოძიება სსკ-ს 236-ე მუხლით დაიწყო, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.
ამ ეტაპზე, საქმეზე საგამოძიებო მოქმედებები მიმდინარეობს.
სპორტული ჟურნალისტის, დავით ერაძის სახლს ესროლეს
2019/01/25 17:44:29
ნანახია: 743 ჯერ