ჯეკ სებასტიან შეპარდმა უარი განაცხადა გამარტივებული პროცედურის გამოყენებით ექსტრადირებაზე. ამის შესახებ მსჯავრდებულმა სასამართლო პროცესზე თქვა. უარის შემდეგ პროცედურულად შეპარდი საქართველოში პატიმრობაში დარჩა.
აღნიშნული გადაწყვეტილება მოსამართლემ რამდენიმე წუთის წინ გამოაცხადა და განმარტა, რომ შეპარდის დაჩქარებული წესით ექსტრადირება არ მოხდება.
„შემოვიდა შუამდგომლობა, რომ გარკვეულიყო, ეს პირი თანახმა იყო თუ არა გამარტივებული პროცედურების გამოყენებით ექსტრადაციაზე. პირმა განაცხადა კატეგორიული უარი. სასამართლო დარწმუნდა, მისი ადვოკატების პოზიციიდან გამომდინარე, რომ მას სრულად აქვს კონსულტაცია გავლილი თავის ადვოკატებთან და ეს უარი არის ნებაყოფლობითი. აქედან გამომდინარე, ოქმი დაუყოვნებლივ გადაეგზავნება იუსტიციის სამინისტროს. ბატონი ჯეკ სებასტიან შეპარდი უარს აცხადებს გამარტივებული პროცედურის გამოყენებით ექსტრადიციაზე. ნებისმიერ დროს, თუკი შეიცვლის პოზიციას, მას შეუძლია, ადვოკატების მეშვეობით მომართოს სასამართლოს,“ – განაცხადა მოსამართლემ.
ადვოკატები ჯეკ შეპარდის გადაწყვეტილებას განმარტავენ და აცხადებენ, რომ მას შესაძლოა, დიდ ბრიტანეთში საფრთხე დაემუქროს.