თამარ ჩუგოშვილი – პირადად სულ არ გამოვეტირები

საკონსტიტუციო უმრავლესობას პირადად სულ არ გამოვეტირები, – ამის შესახებ ჟურნალისტებს პარლამენტის ვიცე-სპიკერმა თამარ ჩუგოშვილმა განუცხადა.
„საკონსტიტუციო უმრავლესობას მე, პირადად სულ არ გამოვეტირები, სულ არ მგონია სწორი და კარგი რამ. რაც შეეხება იმ დაძაბულობას, რომელიც დეკემბრის ბოლოდან განვითარდა, რომლის კულმინაციაც ალბათ, გუშინ იყო სხდომაზე, ვისურვებდი, მოხერხებულიყო პროცესების ისე წარმართვა, რომ ნაკლები დაძაბულობის ფონზე მიგვეღწია შედეგისთვის.
ამისთვის ალბათ ორივე მხარის მხრიდან მზაობა არის საჭირო”, – განაცხადა თამარ ჩუგოშვილმა.
რაც შეეხება უშუალოდ დეპუტატ ეკა ბესელიას მიერ მმართველი გუნდის დატოვებას, ჩუგოშვილი აღნიშნულს სამწუხარო ფაქტს უწოდებს.
მისივე თქმით, თუ ეკა ბესელია არჩევნებში მიიღებს მონაწილეობას, ძალიან კარგი იქნება.
„თუ ეკა ბესელია არჩევნებში მიიღებს მონაწილეობას, ძალიან კარგია. მე მგონი, ძლიერი პოლიტიკური ძალები და პარტიები და განსაკუთრებით ოპოზიციური, ჩვენს ქვეყანას აკლია. ეკა ძალიან ძლიერი და გამოცდილი ადამიანია და შესაბამისად, ამ პროცესში თავის წვლილს შეიტანს“, – აღნიშნა ჩუგოშვილმა.
შეგახსენებთ, რომ ეკა ბესელიამ მმართველი გუნდი დატოვა.