“სახლის რეაბილიტაციის მიზნით, 2011 წელს გაასახლა მაშინდელმა ხელისუფლებამ თუმანიანის 3-ში მცხოვრები ოჯახები, ფაქტობრივად ქუჩაში გაყარა-როგორც თავად მოსახლეობა ამბობს, რამდენიმე დღე სკვერში ეძინათ. შემდეგ მიზერული თანხა მისცეს ქირისთვის და ბარგი დაუსაწყობეს ისე, რომ არც ხელშეკრულება გაუფორმეს და არც აღწერა მომხდარა ქონების. 2013 წელს უნდა დასრულებულიყო თუმანიანის 3-ის რეაბილიტაცია, რაც ასევე მაშინდელ ქალაქის მთავრობას არ გაუკეთებია.
2015 წელს სახლს ხელი მოჰკიდა თბილისის განვითარების ფონდმა და იგი აღადგინა. მოსახლეობა სრულიად რეაბილიტირებულ და გარემონტებულ ბინებში დააბრუნა. უკვე ორი წელია ისინი ახალ ბინებში ცხოვრობენ და ახლა გაახსენდათ, რომ 2011 წელს ბარგი ჰქონდათ საწყობში დატოვებული, რომლის დამადასტურებელი არანაირი საბუთი არ გააჩნიათ.
აი, რა შუაშია თბილისის ამჟამინდელი ხელისუფლება, რომელმაც სახლი აღადგინა და მოსახლეობა დააბრუნა კომფორტულ, გარემონტებულ ბინებში ( დღეს აქ უძრავი ქონების ფასი ათჯერ არის გაზრდილი)?”,-წერს თოქმაჯიშვილი.
