თბილისში, გამართული მსვლელობა „თავისუფლების მარში“ თავისუფლების მოედანზე დასრულდა და აქცია პარლამენტის წინ გრძელდება.
„თავისუფლების მარშის“ მონაწილეები პირველი რესპუბლიკის მოედნიდან დაიძრნენ. სამოქალაქო აქტივისტებს ფილარმონიისა და რუსთაველის მეტროს ტერიტორიიდან „ნაციონალური მოძრაობისა“ და „ევროპული საქართველოს“ წევრები და მხარდამჭერები შეურთდნენ. მსვლელობაში მონაწილეობა რეგიონებიდანაც მიიღეს. მსვლელობის მონაწილეები რუსთაველის გამზირის გავლით თავისუფლების მოედანზე მივიდნენ, მოედანს წრე დაარტყეს და პარლამენტთან გადაინაცვლეს.
მსვლელობის მონაწილეებს თან ჰქონდათ დროშები და ტრანსპარანტები, წარწერით „წადი“, რომელზეც სიმბოლურად გამოსახული იყო თვალი. ამასთან აქციის მონაწილეების ნაწილს სიმბოლურად წითელი ლენტით ცალი თვალი ჰქონდათ ახვეული. მათი მოთხოვნა შინაგან საქმეთა მინისტრის, გიორგი გახარიას გადადგომაა. მსვლელობის მონაწილეები სკანდირებდნენ „გახარია წადი“, „რუსეთი ოკუპანტია“ და ა.შ.
აქცია პარლამენტის წინ გრძელდება და მის მონაწილეებს აქციის ორგანიზატორები მიმართავენ.