“არა სააკაშვილი-ბოკერიას ხელისუფლებას და არა “ქართულ ოცნებას!” – ამ ლოზუნგით “პატრიოტთა ალიანსი” სპორტის სასახლეში ყრილობას მართავს.
პარტიის ხელმძღვანელის, ირმა ინაშვილის განცხადებით, დღეს ისინი იმისთვის შეიკრიბნენ, რომ მიმდინარე მოვლენებს გამოეხმაურონ.
“ქვეყანა დღეს დგას ძალიან სერიოზული საფრთხეებისა და გამოწვევის წინაშე – ეს ეხება დავით გარეჯს, სიღარიბეს, პოლიტიკურ კონფიგურაციას ქვეყანაში, რუსეთთან მიმართებაში საქართველოს პოლიტიკას. დღეს ჩვენ ვდგავართ რუსეთთან რეალური ომის საფრთხის წინაშე და საჭიროა არა კოცონების დანთება ჩვენი ქვეყნის გარშემო, არამედ ამ კოცონების ჩაქრობა”, -განაცხადა ირმა ინაშვილმა.
განცხადება გააკეთა ,,პატრიოტთა ალიანსის” ერთ-ერთმა ლიდერმა, დავით თარხან-მოურავმაც.
“გვინდა, რომ მოვძებნოთ საერთო ენა რუსეთთან. ჩვენ გვინდა სამხედრო მიუმხრობლობა. გვინდა ტურისტიც და ფულიც. არ გვინდა “ქართული ოცნება”, “ნაცმოძრაობა”, ბოკერია და ლგბტ რევოლუცია. ჩვენ გვინდა ღმერთი, ეკლესია, ქართული აზროვნება”, -აღნიშნა თარხან მოურავმა.