აქ შეკრებილმა ახალგაზრდებმა ჩვენ გამოგვაფხიზლეს ყველა, შემოჰკრეს ის ზარი, რომელსაც თავისუფლების ზარი ჰქვია, – ამის შესახებ პარლამენტთან „სირცხვილიას“ აქციაზე მისულმა საზოგადოებრივი მოძრაობა „ლელოს“ დამფუძნებელმა მამუკა ხაზარაძემ განაცხადა.
მისი თქმით, 20 ივნისი იყო ის წყალგამყოფი, რომელმაც მიაღებინა გადაწყვეტილება, რომ გამოსულიყო და შეერთებოდა მათ.
„რას ვეტყვი ამ არაჩვეულებრივ ახალგაზრდებს, რომლებმაც ჩვენ გამოგვაფხიზლეს ყველა, შემოჰკრეს ის ზარი, რომელსაც თავისუფლების ზარი ჰქვია – მე პირადად და ყველა ჩვენგანი კიდევ ერთხელ მივხვდით, რომ თავისუფლებისთვის ბრძოლა არის ყოველდღიური და ეს თუ არ გაგრძელდა, ჩვენი ქვეყანა ბედნიერი ვერ იქნება. თავისუფლების გარეშე არ არსებობს ბედნიერება, არ არსებობს წარმატებულის საქმე, ერთიანობა, ეს არის ყველაზე მთავარი ღირებულება და 20 ივნისი იყო ის წყალგამყოფი, რომელმაც მე მიმაღებინა გადაწყვეტილება, რომ გამოვსულიყავი და შევერთებოდი ამ არაჩვეულებრივ ხალხს,“- განაცხადა მამუკა ხაზარაძემ.
რაც შეეხება აქციის ორგანიზატორებთან თანამშრომლობას, როგორც ხაზარაძემ განაცხადა, „თანამშრომლობას ყველასთან გეგმავს, ვისაც ვისაც საქართველო უყვარს“.