ელიზაბეთ რუდი – მოვუწოდებთ რუსეთს, რომ შეასრულოს 2008 წლის ცეცხლის შეწყვეტის შეთანხმება

საქართველოს ძალა მდგომარეობს მის შიდა ერთიანობაში, მის პარტნიორობასა და მეგობრობაში სხვა ქვეყნებთან, სწორედ ამიტომაა საქართველოსა და აშშ-ს სტრატეგიული პარტნიორობა ასეთი მნიშვნელოვანია,- ამის შესახებ აშშ-ის ელჩის მოვალეობის შემსრულებელმა ელიზაბეთ რუდმა “კურიერთან” ექსკლუზიურ ინტერვიუში განაცხადა.
მისივე თქმით, ოკუპაცია მიუღებელია.
“ვფიქრობ ნათელია, რომ საქართველომ საგარეო პოლიტიკასა და უსაფრთხოების მიმართულებით გადაწყვეტილებების მიღებისას უნდა გაითვალისწინოს გეოგრაფია. თუმცა ვიტყოდი, რომ საქართველოს ძალ მდგომარეობს მის შიდა ერთიანობაში, მის პარტნიორობასა და მეგობრობაში სხვა ქვეყნებთან. სწორედ ამიტომაა აშშ საქართველოს სტრატეგიული პარტნიორობა ასეთი მნიშვნელოვანი. გავიმეორებ, რომ ჩვენ მტკიცედ ვუჭერთ მხარს საქართველოს ტერიტორიულ მთლიანობასა და სუვერენიტეტს საერთაშორისოდ აღიარებულ საზღვრებში. ჩვენთვის მიუღებელია ოკუპაცია. მოვუწოდებთ რუსეთს, რომ შეასრულოს 2008 წლის ცეცხლის შეწყვეტის შეთანხმება, გაიყვანოს ჯარები კონფლიქტამდე პოზიციაზე და ნება დართოს ჰუმანიტარული დახმარების ხელმისაწვდომობას აფხაზი და ოსი ხალხისთვის, რომლებიც საქართველოს განუყოფელ რეგიონებში ცხოვრობენ. ყველაფერი, რასაც საქართველო ქვეყნის შიგნით გასაძლიერებლად აკეთებს, იქნება ეს ეკონომიკური დივერსიფიკაცია, რომ არ იყოს დამოკიდებული მეზობელზე ან ტურისტების მოზიდვაზე სხვა ქვეყნებიდან, ამ დაუსაბუთებელი ფრენების შეწყვეტას რომ ნაკლები ზიანის მომტანი იყოს ქვეყნისთვის, ან თუნდაც პოლიტიკურ ველზე ქვეყნის შიგნით კონსენსუსის მიღწევა – ეს ყველაფერი უფრო ძლიერს და მტკიცეს ხდის საქართველოს, უფრო უნარიანს, რომ არა მხოლოდ გადაჭრას გამოწვევები, რასაც რუსეთის მავნე გავლენა ქმნის, არამედ გახდეს ძლიერი ქვეყანა, რომელიც დაიბრუნებს ოკუპირებულ ტერიტორიებს, როდესაც პოლიტიკური პროცესი ამისთვის მზად იქნება. ჩვენ ვართ აქ, იმისათვის, რომ მხარი დავუჭიროთ ამ პროცესს, ამიტომაც ვმონაწილეობთ ჟენევის საერთაშორისო მოლაპარაკებებში”,- განაცხადა ელიზაბეთ რუდმა.