აფხაზეთის თვითგამოცხადებული რესპუბლიკის საპრეზიდენტო კანდიდატი ასლან ბჟანია ქალაქ სოჭის ერთ-ერთ საავადმყოფოში მედიკამენტოზურ კომაში გადაიყვანეს.
„ინტერფაქსის“ სხვა წყაროს ცნობით, ბჟანია „მძიმე მდგომარეობაშია“.
„სოჭში ბჟანია ცუდად გახდა. ის სასწრაფოდ მოათავსეს ქალაქის ერთ-ერთ საავადმყოფოში. როგორც ჩანს, საქმე ეხება საკვებით მოწამვლას“, განაცხადა ბჟანიასთან დაახლოებულმა პოლიტოლოგმა რენატ ქარჩავამ.
კიდევ ერთმა საპრეზიდენტო კანდიდატმა, ადგურ არძინბამ, შეწყვიტა ამომრჩევლებთან შეხვედრა.
2019 წელს ბჟანიამ გადაიტანა მძიმე დაავადება, რომლის მიზეზები დღემდე დაუდგენელია.
კომენტარები