ნაძალადევის რაიონში სამი საყრდენი კედლის მშენებლობა დასრულდა. ერთ-ერთი პროექტი ავშნის ქუჩა N108-ში განხორციელდა, სადაც 12 მ სიგრძისა და 6 მ სიმაღლის გრუნტის დამჭერი კედელი მოეწყო, ასევე, დამონტაჟდა ლითონის დამცავი ღობე.
დასრულებული პროექტი ნაძალადევის რაიონის გამგებელმა ირაკლი ხელაძემ დაათვალიერა.
„რაიონის სპეციფიკიდან გამომდინარე, ათობით მისამართზე გვიწევს კედლების მშენებლობა. ამ ეტაპზე, სამი პროექტი დასრულდა, კიდევ სამი კედლის მშენებლობა გრძელდება. ინფრასტრუქტურული სამუშაოების დასრულების შემდეგ, ყველა ამ მისამართზე მცხოვრები მოსახლეობის უსაფრთხოება და ასევე, გზის სავალი ნაწილი მეტად დაცული იქნება“, – განაცხადა ირაკლი ხელაძემ.
ავშნის ქუჩა N108-ში გრუნტის დამჭერი კედლის მოწყობისთვის ნაძალადევის რაიონის გამგეობამ 79 219 ლარი დახარჯა.
კომენტარები