“ყველაფერი უნდა გავაკეთოთ, რომ მიშა დაბრუნდეს”

კობა ხაბაზი სოციალურ ქსელში პოსტს აქვეყნებს.

“სწორედ ამ წუთებში საპრეზიდენტო ბიბლიოთეკაში მიხეილ სააკაშვილის პირდაპირი ჩართვა მიმდინარეობდა, ზუსტად მახსოვს თუ რაზე ვფიქრობდი, თუ რა განცდები მიღრღნიდა გონებას, ეს ის განცდებია, რომლებიც ყოველთვის თან მდევს, როცა საპრეზიდენტო ბიბლიოთეკაში შევდივარ.

მეშვიდე წელია არა მხოლოდ ამ ბიბლიოთეკის, არამედ გაცილებით მეტის – ახალი ქართული სახელმწიფოს ფუძემდებელი, მიხეილ სააკაშვილი
Mikheil Saakashvili
პოლიტიკურ დევნილობაშია, თითქოს ვაქტიურობთ, ვიბრძვით, ვეწინააღმდეგებით ივანიშვილის რეჟიმს, მაგრამ ფაქტია, რომ ვერ ვახერხებთ მის დამარცხებას, ვერ ვახერხებთ ისეთი გარემოს შექმნას, რომ მიშა დაუბრუნდეს საქართველოს და ივანიშვილმა ვერ შეძლოს მისი დაპატიმრება, არა, პატიმრობა არავის აშინებს, მაგრამ ღრმად ვარ დარწმუნებული მიშა თავისუფლებაზე გაცილებით მეტის მომტანია საქართველოსთვის, ვიდრე პატიმრობაში.
ბევრი გვაქო მიშამ შეუპოვრობისთვის, გაუტეხელობისთვის, არდამონებისთვის, მაგრამ არა, ვაღიაროთ, რომ არ ვართ ქების ღირსები, როცა ჩვენ სამშობლო, დეოკუპაცია, თავისუფლება, დემოკრატია გვაერთიანებს და მეორე მხარეს მხოლოდ ფული დგას, თუ გინდ ეს იყოს მილიარდები, და ვერ ვიმარჯვებთ, ვერ ვართ მაგრები…
მიშა კი ისევ სამშობლოზე ფიქრობს, ერთიანობისკენ მოგვიწოდებს, შურისძიებაზე მაღლა დგომაზე გვესაუბრება. “არანაირი შურისძიება, ქვეყანა უნდა წავიდეს წინ, არ დაგავიწყდეთ, რომ ახალი თაობა მოდის და ქოცების ოჯახებშიც უამრავი ნიჭიერი და პატრიოტი ახალგაზრდაა, ჩვენ ერთად უნდა ავაშენოთ ძლიერი საქართველო”.
არა, ასე გაგრძელება მართლა აღარ შეიძლება, უნდა დავასრულოთ ივანიშვილის რეჟიმი, ყველაფერი უნდა გავაკეთოთ, რომ მიშა დაბრუნდეს და მისი ნიჭი და ენერგია საქართველოს აღმშენებლობას მოხმარდეს.
საქართველოში უნდა გათენდეს!” – წერს ხაბაზი.