დავით ზალკალიანის განცხადებით, ის საქართველოს მოქალაქეები, ვინც იტალიის სხვადასხვა რეგიონებში იმყოფებოდნენ, არიან გაფრთხილებულნი და უკვე გზაშია საჰაერო ხომალდებიც, რომ შესაბამისი პროცედურებისა და პროტოკოლის დაცვით, მოხდეს იტალიიდან მათი უსაფრთხოდ გამოყვანა.
„მინდა მოვუწოდო საქართველოს ყველა მოქალაქეს, რომელიც გამოემგზავრება, რომ დაიცვან ის პროცედურები რაც არის დაკავშირებული თვითიზოლაციასთან, რადგანაც ეს არის ძალიან დიდი პასუხისმგებლობა იმისთვის, რომ მათ საფრთხის ქვეშ არ დააყენონ არა მხოლოდ საკუთარი ოჯახის წევრები, არამედ მთლიანად ქვეყანა“ – ამბობს საგარეო საქმეთა მინისტრი.
„აუცილებელია, რომ იმ მზარდ დინამიკას, რომელიც არის მსოფლიოში ჩვენ ვუპასუხოთ ძალიან დიდი პასუხისმგებლობით, თავშეკავებით და დავიცვათ ყველა ის ინსტრუქცია, რომელიც არის გაწერილი მსოფლიო ჯანდაცვის ორგანიზაციის და საქართველოს ჯანდაცვის სამინისტროს მიერ“ – აღნიშნა ზალკალინმა.