ინფექციურ საავადმყოფოში 21 ინფიცირებული პაციენტი იმყოფება -ამის შესახებ ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.
ეზუგბაიას თქმით, 17 პაციენტის პასუხი დღის პირველ ნახევარში იქნება ცნობილი.
“დღეს 11-ის ნახევრის მონაცემებით, გვიწევს 45 პაციენტი. აქედან, 21 ინფიცირებულია ჩვენს ცენტრში. 21-ვე ინფიცირებული არის არაახალი წყარო, არამედ იტალიაში მოგზაურებთან კონტაქტობდა.
გუშინ, დღის პირველ ნახევარში აღებული ტესტირებით მიღებულ იქნა 11 პაციენტზე უარყოფითი პასუხი და ეს პაციენტები გადაყვანილ იქნენ საკარანტინო სივრცეში და თვითიზოლაციაში. 17 პაციენტზე არის აღებული ტესტირება, მაგრამ გუშინ, როგორც ჩემთვის ცნობილია, რამოდენიმე კლინიკაში ხდება უკვე ლუგარის ცენტრის ლაბორატორიის სამსახურის შესვლა და ტესტირების ჩატარება და მე როგორც ვიცი, ძალიან დაგვიანდა და ჯერჯერობით, პასუხები ცნობილი არ არის. თუმცა, წინასწარი მონაცემებით, თითქმის ნეგატიური უნდა იყოს ყველა. დაახლოებით ერთ-ორ საათში ეს პასუხები იქნება.
21 პაციენტიდან 5 პაციენტთან დადასუტერებულია პნევმონია. ერთ-ერთი იყო შედარებით მძიმე მიმდინარეობით. დღეს შეგვიძლია ვთქვათ, რომ დასტაბილურდა ამ პაციენტთან მდგომარეობა და მისი პნევმონია შეგვიძლია შევაფასოდ საშუალო სიმძიმის, ხოლო დანარჩენი 4, მსუბუქი მიდინარეობით იყო შეფასებული,” – განაცხადა მარინა ეზუგბაიამ.