წარსულში ცხოვრობთ და დარჩებით იქ, – ასე მიმართა პარლამენტში ფრაქცია „ნაციონალური მოძრაობის“ ხელმძღვანელ რომან გოცირიძეს პრემიერ-მინისტრმა, გიორგი გახარიამ, რომელიც ინტერპელაციის წესით შეკითხვებს პასუხობს.
„ბატონო რომან, ჩვენი სამწუხარო რეალობა იმაშია, რომ თქვენ ის კი არ გაინტერესებთ, რა უნდა გავაკეთოთ იმისთვის, რომ ჩვენთან პენსიონერების, ბავშვების სიღარიბე, რომელიც მართლა არის, აღარ იყოს. თქვენ ის გაინტერესებთ, კვირიკაშვილი რატომ მოხსნეს, წარსულში ცხოვრობთ და დარჩებით იქ“, – მიმართა გიორგი გახარიამ რომან გოცირიძეს.
რომან გოცირიძემ პრემიერ-მინისტრს ჰკითხა, იცის თუ არა, რატომ გაათავისუფლეს პრემიერობიდან გიორგი კვირიკაშვილი.
კომენტარები