გიორგი შაქარაშვილის მკვლელობის საქმეზე ბრალდებული ერთ-ერთი არასრულწლოვნის ზ.ხ.-ს მამამ შიმშილობა შეწყვიტა, ამის შესახებ მან “რუსთავი 2-ს” დაუდასტურა. თამაზ ხომასურიძე შიმშილობის შეწყვეტას მის შვილსაც მოუწოდებს, რომელიც, ცოტა ხნის წინ, მცხეთის რაიონულ სასამართლოში პროცესის მიმდინარეობისას შეუძლოდ გახდა.
ბრალდებული არასრულწლოვნის ზ.ხ.-ს მამიმ განცხადებით, რადგან გენერალური პროკურატური ოჯახის მოთხოვნას არ ითვალისწინებს, ის მისი შვილის სიცრუის დეტექტორით გამოკითხვას თავადვე უზრუნველყოფს.
ბრალდებული ზ.ხ.-ს მამის მთავარი მოთხოვნა საქმის მასალებზე გაუთქმელობის შეზღუდვის მოხსნა და მისი შვილისა და “ტოიოტას” მგზავრთა სიცრუის დეტექტორის გამოყენებით გამოკითხვაა. ბრალდებული არასრულწლოვნის ზ.ხ.-ს მამამ შიმშილობა 3 დღის წინ დაიწყო, დღეს კი პროტესტის შეწყვეტამდე მშრალი შიმშილობაც გამოაცხადა.