თერჯოლაში გარდაცვლილი 11 წლის მოზარდის ბებიამ მომხდარი ტრაგედიის შესახებ „ტვ პირველის“ ეთერში ისაუბრა. ბებიის თქმით, გარდაცვლილი ბავშვის მამა ოჯახის წევრებზე სისტემატურად ძალადობდა. მან აღნიშნა, რომ მისი შვილი 8 თვის ფეხმძიმე იყო, როდესაც ქმარმა მასზე იძალადა და ამის გამო, ერთი ბავშვი დაკარგა მეორე კი ტრავმირებული დაიბადა.
„15 წლის იყო ჩემი შვილი, რომ წაიყვანა. 27 წელია, რაც გათხოვილია და მასზე სულ იყო ძალადობა – ფიზიკურიც და სიტყვიერიც. რამდენჯერაც წამოვიყვანე შვილი ისევ შეირიგა. დაჩოქილს ათენებინებდა ღამეებს თავის ცოლს, ბავშვი რატომ ტირისო. ჩემმა სიძემ 8 თვის ფეხმძიმე მეუღლეზე იძალადა და ერთი ბავშვი მკვდარი დაიბადა, მეორე კი დალურჯებებით“, – აღნიშნა ბავშვის ბებიამ.
კომენტარები