საქართველოს მე-10 მოწვევის პარლამენტის დეპუტატი, “ქართული ოცნების” სახე, ცნობილი პიანისტი ელისო ბოლქვაძე გამოთქვამს იმედს, რომ ოპოზიციის ნაწილი, რომელიც დღეს ბოიკოტის რეჟიმშია, საპარლამენტო მუშაობას შეუერთდება:
“მე მაქვს დიდი იმედი, რომ ოპოზიციის ნაწილი აუცილებლად შემოუერთდება პარლამენტს იმიტომ რომ, აუცილებლად გაიაზრებენ და გადალახავენ იმ მდგომარეობას რაც ახლა მათ გააჩნიათ და შემოვლენ ქვეყნის ინტერესებში. ეს არ არის მხოლოდ “ოცნების” და ერთი-ორი ადამიანის თემა. ეს არის თავისი სამშობლოს თემა, რომელიც კიდე წინ უნდა წავიდეს, რომელიც ევროპისკენ მიილტვის, უნდა მშვიდობა და უკეთესი მომავალი. მე მესმის მათი აღშფოთება, რომ მათ ასე ესმით, მაგრამ რამდენად არის სიმართლე, ეს კიდევ გასარკვევია, დამიმტკიცე რომ გაყალბდა. ყველაფერი შეიძლება გადაწყდეს აქ, მაღალი ტრიბუნიდან,”- განაცხადა ელისო ბოლქვაძემ.