5 ადამიანი მძიმედ დაშავდა, თელავი-ყვარელის დამაკავშირებელ გზაზე მომხდარი ავტოსაგზაო შემთხვევის შედეგად.
ერთმანეთს მერსედერსის და გოლფის მარკის მანქანები შეეჯახნენ. შეჯახების შედეგად, ორივე ავტომანქანის მძღოლი და მგზავრები დაშავდნენ.
სასწრაფო-სამედიცინო დახმარების ბრიგადებმა, მოტეხილობებითა და სხეულის სხვადასხვა დაზიანებებით, დაშავებულები თელავის რეფერალურ საავადმყოფოში გადაიყვანა. ადგილზე მობილიზებულია პოლიცია და სახანძრო-სამაშველო ბრიგადები.
წინასწარი ინფორმაციით, ავტოსაგზაო შემთხვევის მიზეზი გადაჭარბებული სიჩქარე გახდა.
კომენტარები