ბადრი და ბიძინა ესებუების ინტერესებს დღეიდან, ადვოკატები იოსებ ჯანაშია და ხათუნა ჯანაშია დაიცავენ. ეს გადაწყვეტილება იურისტებმა ოჯახთან ერთად მიიღეს.
„საქართველოს ბანკზე“ თავდასხმისთვის ძებნილ ბადრი ესებუას ადვოკატი ამ დრომდე არ ჰყავდა. რაც შეეხება მეორე დაკავებულს, მის ძმას: ის, ამ დრომდე, წინასწარი დაკავების იზოლატორშია და დუმილის უფლებას იყენებს. ერთ-ერთი ადვოკატის, იოსებ ჯანაშიას ინფორმაციით, მას ბრალი ოფიციალურად სავარაუდოდ, დღის მეორე ნახევარში უნდა წარედგინოს.
ბიძინა ესებუა გუშინ დააკავეს, მის წინააღმდეგ საქმე აღძრული სსსკ-ის 236-ე მუხლით. გამოძიება მას ცეცხლსასროლი იარაღის, საბრძოლო მასალის, ფეთქებადი ნივთიერების და ასაფეთქებელი მოწყობილობის მართლსაწინააღმდეგო ტარებას ედავება.
მისი ძმა, ბადრი ესებუა, რომელიც 21 ოქტომბერს შეიარაღებული შეიჭრა „საქართველოს ბანკის“ ზუგდიდის ფილიალში, ამ დომდე იძებნება. საგამოძიებო მოქმედებები ამ დრომდე გრძელდება.