პარლამენტში ვერავინ შევა, იმიტომ რომ ქართველი ხალხი ყველას სახეში შეაფურთხებს, ვინც ამ ე.წ. პარლამენტში შევა, – ასე უპასუხა მიხეილ სააკაშვილმა კითხვას „რესპუბლიკური პარტიის“ ინიციატივის შესახებ, რომელიც პარლამენტში კონკრეტული კენჭისყრისთვის შესვლას გულისხმობს. ამ თემაზე საქართველოს ყოფილმა პრეზიდენმტა „TV პირველის“ ეთერში ისაუბრა. ამასთან, სააკაშვილი არჩვენების ელექტრონულ სისტემას დადებითად აფასებს.
„მივესალმები ნებისმიერ სისტემას, რომელიც ჩატარდება ელექტრონულად, სადაც არანაირი კომისიები, დამკვირვებლები აღარ დაგვჭირდება, უბრალოდ თითს დააჭერ. იქნება საერთაშორისოდ დაცული კომპიუტერული სისტემები და ჩვენ შევძლებთ ამ სისტემების მეშვეობით მთლიანად გამოვრიცხოთ გაყალბება. ეს არის ჩემი აზრი და იქ როგორ იქნება შიგნით გადანაწილება, ასეთი თუ ისეთი, ამას ქართველი ხალხი ჩამოყალიბდება ყველას ინტერესების გათვალისწინებით. მაქსიმალურად ფართო წარმომადგენლობით უნდა იყოს, მაგრამ საქართველოს თითოეულ მოქალაქეს, სადაც არ უნდა იყოს მსოფლიოში, უნდა გრძნობდეს, რომ ის მართავს საქართველოს და არა ერთი ჯგუფი, თუნდაც უფრო სიმპათიური პოლიტიკოსების.
ოპოზიციამ უკვე შეძლო, რომ არ შევიდა პარლამენტში, ეს მიღწევა იყო, ნამდვილად. ამის არდაფასება არ შეიძლება. რიგგარეშე არჩევნებს ოპოზიციას აქამდე აცილებდა კოვიდის ძალიან დიდი მასშტაბი და სიცივე, შემდეგი კვირებიდან აცილებს რამდენიმე მძლავრი აქტიურობა რეგიონებში და ორი-სამი ძალიან მძლავრი აქტიურობა თბილისში. შემდეგ საქართველოში დაბრუნდება დემოკრატია და იქნება რიგგარეშე არჩევნები. ამაში დარწმუნებული ვარ“, – განაცხადა სააკაშვილმა.