მაზოხისტი კი არ ვარ, ვერ ვხედავდე, რომ პარტიაში ხმები მომაქვს, მაგრამ როცა ლიდერი ხარ, პასუხისმგებლობა უნდა აიღო, – ამის შესახებ „ევროპული საქართველოს“ თავმჯდომარემ, დავით ბაქრაძემ „მთავარი არხის“ ეთერში განაცხადა.
მისი თქმით, „ნაციონალური მოძრაობიდან“ წამოსვლამ „ევროპული საქართველოს“ წევრებისთვის რამდენიმე რამ მოიტანა და ახლა პრინციპების დაცვა მისგან მოითხოვს, გააკეთოს იგივე, რასაც 2016 წელს სხვაზე ამბობდა.
„პარტიის წევრები იმ დღეს შეკრება რომ იყო, ყველა მეუბნებოდა, ვაიმე რომ მიდიხარ, ხმებს ვინ მოგვიტანს. მე ამას ვხედავ, მაზოხისტი კი არ ვარ, ვერ ვხედავდე, რომ პარტიაში ხმები მომაქვს, მაგრამ როცა ლიდერი ხარ, პასუხისმგებლობა უნდა აიღო“, – განაცხადა დავით ბაქრაძემ.
კომენტარები