ნაცებს არ მოსწონთ ის შედეგი, რაც მივიღეთ არჩევნებით, ახლა ხან არასრულწლოვანი ბერას თემას შემოაგდებენ, ხან ვითომ პრემიერი როგორ უნდა მივიდეს მაგიდასთან, – ამის შესახებ პარლამენტის ვიცე-სპიკერმა, გია ვოლსკიმ გავრცელებულ ჩანაწერზე საუბრისას „რუსთავი 2“-ის ეთერში განაცხადა.
მისი თქმით, ეს სცენარი იმისთვისაა დაწერილი, რომ ახალგაზრდების გარეთ გაყვანის პროვოცირება მოხდეს.
„გეგონება გადაწყვეტილია, რომ პრემიერმა უნდა იაროს მოლაპარაკებებზე; გეგონება სხვა ამოცანები, რომლებიც მის წინაშე დგას, არ არის შესასრულებელი და ნაკლებად მნიშვნელოვანია.
მე მინდა, განსაკუთრებით ახალგაზრდებს მივმართო, ეს ყველაფერი, ეს სიბინძურე, ეს უბადრუკი სცენარი დაწერილია იმისთვის, რომ როგორმე გარეთ გამოგიყვანონ“, – ამბობს გია ვოლსკი.
კომენტარები