დედის შემგინებელ ადამიანს რომ პასუხი მოსთხოვო, ეს გაუკვირდათ ადამიანებს?! რა არის ამაში გასაკვირი!, – ამის შესახებ საპარლამენტო უმრავლესობის წევრმა მიხეილ ყაველაშვილმა „ქართული ოცნების“ ოფისში გამართულ ბრიფინგზე განაცხადა.
„როგორი კატასტროფული შეფასებები მოჰყვა გუშინ ბერა ივანიშვილის განცხადებებს. რა თქვა ასეთი! დედის შემგინებელ ადამიანს რომ პასუხი მოსთხოვო, ეს გაუკვირდათ ადამიანებს?! რა არის ამაში გასაკვირი! თქვენ ფიქრობთ, ადამიანისთვის პასუხის მოთხოვნა ნიშნავს, რომ უნდა დაასისხლიანო?! თქვენ გგონიათ, რომ მარტო ამას ნიშნავს პასუხის მოთხოვნა?!“, – განაცხადა ყაველაშვილმა.
მისივე თქმით, ავთენტურია თუ არა ბერა ივანიშვილზე გამოქვეყნებული აუდიოჩანაწერები, პროკურატურამ უნდა დაადგინოს. ამასთან, მან მიმართა ოპოზიციას, სიმართლის დასადგენად მათ აქვთ შესაძლებლობა, პარლამენტში შემოვიდნენ და საგამოძიებო კომისია შექმნან.
„მშვნიერი ფორმატი არის – საგამოზიებო კომისიის შექმნა. შემობრძანდნენ პარლამენტში, შექმნან კომისია და დაადგინონ, როდის იყო ეს ჩანაწერი გაკეთებული“, – განაცხადა ყაველაშვილმა.