ჰააგის სისხლის სამართლის საერთაშორისო სასამართლოს (ICC) მოსამართლედ, 9 წლის ვადით არჩევით, საქართველოს იუსტიციის მინისტრმა, გოჩა ლორთქიფანიძემ ისტორია შექმნა – ის პირველი ქართველია, რომელიც ჰააგის სასამართლოს მოსამართლე გახდა“,- ასე ეხმაურება საქართველოს პარლამენტის თავმჯდომარე Twitter-ის ოფიციალურ გვერდზე იუსტიციის მინისტრის, გოჩა ლორთქიფანიძის ჰააგის სისხლის სამართლის საერთაშორისო სასამართლოს მოსამართლედ არჩევას.
„განათლება, შრომისმოყვარეობა და სამართლიანობა მნიშვნელოვანია“,– წერს არჩილ თალაკვაძე Twitter-ის ოფიციალურ გვერდზე.
ჰააგის სისხლის სამართლის საერთაშორისო სასამართლოში ახალარჩეული მოსამართლეების ფიცის დადების ცერემონიალი გაიმართა. ექვს ახლად არჩეულ მოსამართლესთან ერთად, მოსამართლის ფიცი საქართველოს იუსტიციის მინისტრმა გოჩა ლორთქიფანიძემაც დადო.