გამოძიება ყველაფერზე უნდა ჩატარდეს. ამაზე მიუთითა პროკურატურამ. ჯერ მიზეზი ხომ უნდა გავიგოთ, ეს ყველაფერი რატომ მოხდა, არის თუ არა ჩანაწერი ავთენტური და საიდან არის მისი წარმომავლობა, – ამის შესახებ საქართველოს პარლამენტის სპორტის კომიტეტის თავმჯდომარე მიხეილ ყაველაშვილმა განაცხადა.
მისი თქმით, ის ადამიანები არიან აღტკინებული, ვაიმე, ტელევიზია დავიცვათო, ვინც ტელევიზიაში შევარდნენ.
„ქართული ოცნება“ რომ პროცესების ადეკვატურია, ამის გამო გადავიდნენ ოჯახის წევრებზე და აქცენტი ათი წლის წინანდელ ჩანაწერზე გადააქვთ. ჩემმა კოლეგებმა თქვეს, რომ აუცილებელია გამოძიება. ჩემთვის ნათელი იყო, ეს ყველაფერი რატომ გაკეთდა და ჩემთვის არ არის საჭირო გამოძიება. თუ გამოძიება უნდა ჩატარდეს, ყველაფერზე უნდა ჩატარდეს. ამაზე მიუთითა პროკურატურამ. ამ თემაში შინაარსიც შედის. ჯერ ხომ უნდა დადგინდეს, მიზეზი ხომ უნდა გავიგოთ, ეს ყველაფერი რატომ მოხდა, ჩანაწერი ავთენტურია თუ არა და საიდან არის მისი წარმომავლობა. ის ადამიანები არიან აღტკინებულები, ვაიმე, ტელევიზია დავიცვათო, ვინც ტელევიზიაში შევარდნენ. არ მინდა, ინგა გრიგოლიაზე ვისაუბრო, მაგრამ გუშინ ერთხელ არ ახსენა „იმედის“ დარბევა და გვერდით ეჯდა, ვინც დაარბია. ინგლისურის მასწავლებლის ამბავზე არ ვიცი, მათი ფანტაზია სადამდე მიდის. გავრილოვი მოძებნეს და სიტუაცია ვერ ააგორეს, შემდეგ რუსეთის დაზვერვის სამსახურის გამონათქვამი მიაბეს „ქართულ ოცნებას“. ასეთი მიზეზების ძიებაში არიან. ჩვენ გვეუბნებით, გავრილოვმა და მასწავლებელმა რა თქვეს და ამაზე გაქვთ დღის წესრიგი აგებული, მაგრამ IRI და NDI, ასევე ამერიკა, ევროკავშირი და პარტნიორები ოპოზიციურ პარტიებს მოუწოდებენ, პარლამენტში შევიდნენ, მაგრამ ამ თემებზე საერთოდ არ საუბრობენ“, – განაცხადა მიხეილ ყაველაშვილმა.