მხარეებს შორის მოლაპარაკება აუცილებლად შეთანხმებით დასრულება, – ამის შესახებ პარლამენტის საპროცედურო საკითხთა კომიტეტის თავმჯდომარის პირველმა მოადგილემ, გურამ მაჭარაშვილმა განაცხადა.
მისივე თქმით, ხელისუფლების მიზანია, შეთანხმება სამართლიანობის პრინციპებს ეფუძნებოდეს.
„მოლაპარაკებებზე ჩვენ ვინარჩუნებთ იმ შეთანხმებას, რომ კონკრეტიკაზე არ ვისაუბროთ. ერთი რამ შემიძლია გითხრათ, ჩვენი მხრიდან ძალიან ბევრი ნაბიჯია პოზიტიურად გადადგმული და კანონპროექტის სახეც კი აქვს მიღებული ჩვენს ამ შეთავაზებას და გარდა ამისა, არის ისეთი პუნქტები და ისეთი წინადადება, რომლებიც მხოლოდ და მხოლოდ სამართლიანობის პრინციპზეა დაფუძნებული და პრაქტიკულად შეუძლებლად მიმაჩნია, ოპონენტებმა უარი თქვან ამ შეთავაზებაზე.
მოისმინეთ პრემიერის, პარტიის თავმჯდომარის, პარლამენტის თავმჯდომარის განცხადებები, რომ ჩვენი მიზანია შეთანხმება შედგეს და რაც მთავარია, შედგეს სამართლიანობის პრინციპების საფუძველზე“, – განაცხადა გურამ მაჭარაშვილმა.
ევროპული საბჭოს პრეზიდენტის, შარლ მიშელის პირადი წარმომადგენელი კრისტიან დანიელსონი პოლიტიკური პარტიების წარმომადგენლებთან შეხვედრებს განაგრძობს. ის საქართველოში შეთანხმების მიღწევამდე დარჩება.